طالبان ساغلیقنی سقلش وزیرلیگی بوگون سهشنبه ۲۵ – قوس بیانات نشر قیلیب، بو حاکمیت ساغلیقنی سقلش وزیری نورجلال جلالی، هندوستانگه سفر قیلگنیدن خبر بېردی.
طالبانگه کۉره، اوشبو سفر هندوستان رسمیلری نینگ رسمی دعوتی اساسیده بۉلگن.
شونینگدېک طالبان ساغلیقنی سقلش وزیرلیگی، بو حاکمیت هیاتی هندوستان رسمیلری بیلن اوچرهشوویگه قوشیمچه، هندوستاندن افغانستانگه صفتلی دارو و ساغلیق اوسکونهلری وارد اېتیلیشی یۉللرینی قیدیریشی هم معلوم قیلینگن.
اوشبو سفر شوندی بیرحالده بجریلماقده دیر که یقینده طالبان، هندوستاندن افغانستانگه دارو وارد اېتیلیشی باشلنگنینی معلوم قیلگن اېدی.
دیمک طالبان، پاکستاندن دارو وارد قیلیش جریانینی تۉختهتیب، هندوستاندن بو توارنی آلیب کېلیش اوچون اورینماقده دیر.
