بیرلشگن ملتلر تشکیلاتی نینگ بالهلرنی حمایهلش صندیغی (یونیسف) معلوم قیلیشیچه، 2026 ییلده افغانستانده 12 میلیون کیشیگه، جملهدن 6،5 میلیون بالهگه یاردم کۉرسهتیش اوچون 949،1 میلیون امریکا دالری مبلغ ضرور.
اوشبو تشکیلات بوگون سهشنبه، 25 – قوس اعلام قیلگن بیاناتیده، بو مبلغ افغانستاندهگی هر بیر باله نینگ یشب قالیشی و رواجلنیشی اوچون امکانیت یرهتیش نقطهٔ نظریدن نهایتده مهم اېکنینی تأکیدلهدی.
یونیسف نینگ ایتیشیچه، اوشبو بودجه حسابیدن بالهلر و ضعیف قتلملرگه حیاتي اهمیتگه اېگه یاردملر و اساسي خدمتلر کۉرسهتیلهدی، شاشیلینچ بشردوستانه احتیاجلر قاندیریلهدی همده جمعیتلر نینگ برقرارلیگی مستحکملنهدی.
یونیسف بیاناتیده کېلهسی ییل 21،9 میلیون کیشی، جملهدن 11،6 میلیون باله، بشر دوستانه یاردمگه محتاج بۉلیشی قید اېتیلگن.
تشکیلاتگه کۉره، افغانستانده بالهلرنی حمایه قیلیش انقراضی چوقورلشیب بارماقده، بالهلر، یاشلر و چېکّه گروهلر تاباره کوچهییب بارهیاتگن خوفلرگه دوچ کېلماقده.
یونیسف شونینگدېک، افغانستاندهگی عیاللر و قیزلر اۉز حقوقلری نینگ تیزیملی انقراضی بیلن یوزمه-یوز اېکنینی، اولر نینگ تعلیم و محنتگه بۉلگن تعقیقلری همده کوندهلیک حیاتدهگی کېنگ کۉلملی چېکلاولر حمایه خوفلرینی آشیرهیاتگنی و اوزاق مدتلی برقرارلیککه تهدید سالهیاتگنینی بیلدیردی.
یونیسف نینگ ایتیشیچه، بوندهی شرایطده ضرور خدمتلرنی کۉرسهتیش و اېنگ ضعیف اهالینی حمایه قیلیش اوچون اونینگ دایمي اشتراکی حیاتي اهمیتگه اېگه.
آلدینراق بیلشکن ملتلر تشکیلاتی نینگ بشر دوستانه یاردملرنی موافقلشتیریش ادارهسی (اوچا) هم کېلهسی ییلی افغانستانده 21،9 میلیون کیشی بشر دوستانه یاردمگه محتاج بۉلیشینی بیلدیرگن اېدی.
اوچا معلوماتیگه کۉره،بشر دوستانه تشکیلاتلر 17،5 میلیون کیشیگه یاردم کۉرسهتیشنی اوستوار دېب بېلگیلهگن و بو نینگ اوچون 1،72 میلیارد امریکا دالری مبلغ سۉرهشگن.
