اروپا اتفاقی نینگ افغانستاندهگی وکالتخانهسی رهبری ورونیکا بوسکویچ پوهارکابلده اۉتکزیلگن اولاق مسابقهلرینی تماشا قیلیشگه بارگن.
او بوگون سهشنبه، 25 قوس توشدن کېین ایکس ترماغیده عکسلر ترقهتیب، اوشبو مسابقهلرده اشتراک اېتگنینی معلوم قیلگن.
پوهار خانم نشر قیلگن عکسلرده او اۉق اۉتمس جیلت کيگن حالده اولاق مسابقهسینی تماشا قیلهیاتگنی کۉرینهدی.
اروپا اتفاقی وکالتخانهسی رهبری بوندن اوّل هم کابلدهگی کتاب کۉرگزمهسینی اۉق اۉتمس جیلتده تماشا قیلگن اېدی.
بو حالت طالبان افغانستانده ینه حاکمیتنی قۉلگه آلگنیدن سۉنگ مملکت بۉیلب خوفسیزلیک تأمینلنگنینی دعوا قیلهیاتگن بیر پیتگه تۉغری کېلماقده.
طالبان، شونینگدېک، افغانستاندهگی خارجي دیپلوماتلر خوفسیزلیگینی تأمینلشگه صادق اېکنینی بیر نېچه بار تأکیدلب کېلگن
