بیرلشگن ملتلر تشکیلاتی نینگ بالهلرنی حمایهلش صندیغی (یونیسف) معلوم قیلیشیچه، افغانستانده اۉتکیرتۉییب آوقتلنمسلیککه چهلینگن بالهلر سانی 3،7 میلیون نفرگه آشگن.
آلدینراق یونیسف افغانستانده اۉتکیرتۉییب آوقتلنمسلیکدن اذیت چېکهیاتگن بالهلر سانینی 3،5 میلیون نفر دېب خبر قیلگن اېدی.
یونیسف نینگ ایتیشیچه، او 1،3 میلیون نفر آغیر درجهدهگی آزغینلیک و خوفلی اۉرتهچه درجهدهگیتۉییب آوقتلنمسلیککه چهلینگن بالهلرگه دوالش خدمتلری کۉرسهتیشنی رېجهلشتیرماقده، بیراق مالیوي مبلغ یېتیشماوچیلیگی بیلن یوزمه-یوز توریبدی.
یونیسف باشقه بیر بیاناتیده هم افغانستانده بالهلرنی حمایه قیلیش انقراضی تاباره چوقورلشیب بارهیاتگنینی تأکیدلهگن.
تشکیلاتگه کۉره، 2026 ییلده افغانستانده بشر دوستانه یاردمگه محتاج بۉلهدیگن 21،9 میلیون کیشی نینگ 11،6 میلیونی بالهلر حسابلنهدی.
یونیسف اۉز بیاناتیده، شونینگدېک، افغانستانده آچلیک کوچهییب بارهیاتگنیگه هم اعتبار قرهتگن.
اونگه کۉره، افغانستانده قیش فصلی باشلنیشی بیلن آچلیک ینهده آغیرلشماقده.
آزیق-آوقت خوفسیزلیگی بۉییچه (آیپیسی )نینگ سۉنگی حساباتیده هم کېلهیاتگن قیشده افغانستانده آچلیک ینهده کوچهییشی احتمالی بار.
حساباتده قید اېتیلیشیچه، اوشبو قیشده 17،4 میلیون کیشی افغانستانده آغیر آزیق-آوقت خوفسیزلیگی معماسیگه دوچ کېلهدی.
