بریتانیا حکومتی حاضرده دونالد ترامپ نینگ شکایتی و رقملی پلاتفورملر بیلن کوچهییب بارهیاتگن رقابت باسیمی آستیده قالگن (بی بی سی) ترماغاینی مالیهلشتیریش تیزیمینی قَیته کۉریب چیقیش جریانینی باشلهدی.
رویترز اخبارات آژانسی بوگون سهشنبه ، 16 دسمبرخبر بېریشیچه، بریتانیا حکومتی تجاري درآمدلرنی آشیریش همده بی بی سی جهان خدمتی اوچون برقرار مالیهلشتیریشنی تأمینلشنی اۉز ایچیگه آلگن اصلاحاتلرنی کۉریب چیقهیاتگنینی معلوم قیلگن.
خبرگه کۉره، دونالد ترامپ بی بی سی اوستیدن محکمه گه مراجعت قیلیب، اوشبو ترماقدن 10 میلیارد امریکا دالری مقداریده تاوان پولی طلب قیلگن.
ترامپ نینگ ایتیشیچه، اونینگ نطقلریدن تیارلنگن تحریرلنگن ویدیوکلیپلر آبروسیگه ضرر یېتکزگن. بو آرهده بی بی سی مذکور ایش بۉییچه اۉزینی حمایه قیلماقده و آلدینراق ترامپدن عذر سۉرهگن اېدی.
بریتانیا مدنیت وزیری لیزا ناندی بی بی سی بوتون بویوک بریتانیا نینگ وکیلی بۉلیشی، اقتصادي اۉسیشگه حصه قۉشیشی، شو بیلن بیرگه تۉلیق مستقل و حسابدار بۉلیب قالیشی ضرورلیگینی تأکیدلب، فقط شو یۉل بیلنگینه جماعتچیلیک ایشانچینی سقلب قالیش ممکنلیگینی ایتگن.
حساباتگه کۉره، بی بی سی سۉنگّی ییللرده کۉپلب معمالرگه دوچ کېلگن. شونگه قرهمهی، اعلام قیلینگن سۉراونامهلر نتیجهلری بریتانیالیک کتّهلر نینگ 60 فایزی بی بی سی ینگیلیکلریدن ممنون اېکنینی کۉرستماقده.
