افغانستان تورلی حدودلریده اۉغیرلیک واقعهلری کۉپهیشی دوامیده، فاریاب ولایتیده اوچ کیشی اۉغیرلیک عیبلاوی بیلن حبسگه آلینگنی معلوم قیلیندی.
فاریاب ولایتیده طالبان خوفسیزلیک قومندانلیگی بیر بیانات نشر قیلیب، بو ولایت نینگ بلچراغ تومنیده ایککی کیشی اۉغیرلیک عیبلاوی بیلن توتقینگه آلینگنیدن خبر بېردی.
طالبان بلچراغ تومنیده اوشلنگن بو شخصلردن بیری آدم اۉلدیریش عیبلاوی بیلن هم دوچ بۉلگنینی معلوم قیلدی.
عینی حالده فاریاب ولایتی شیرین تگاب تومنیده هم بیر کیشی اۉغیرلیک عیبلاوی بیلن حبسگه آلینگنی خبر قیلیندی.
ایتیلیشیچه مذکور شخص، مسجد کتارهلرینی اۉغیرلش عیبلاوی بیلن طالبان تامانیدن حبسگه آلینگن.
