بیرلشکن ملتلر تشکیلاتینینگ افغانستاندهگی نمایندهلیگی یا ده «یوناما» بیر بیانات نشر قیلیب، طالباندن عیاللر ایشلری برابریدهگی چیکلاولر بیکار قیلیشینی طلب قیلدی.
اوشبو بیاناتده، بیرلشکن ملتلر تشکیلاتینینگ عیال خادملری ایشلری طالبان تامانیدن تقیقلنگنی ۱۰۰ کوندن آشگنی تاکیدلنیب، اوشبو چیکلاو تیزلیک بیلن بیکار قیلیشینی طلب قیلینگن.
بیرلشکن ملتلر تشکیلاتی، بو تشکیلات ادارهلری چوکاتیده عیال خادملر حضوری، محتاج کیشیلرگه اساسی یاردملر یېتکیزیلیشی اوچون اوته مهم دېب بیلدیرگن.
ایتیش کېرهک که طالبان بو کبی طلبلرگه حاضرگچه هیچ قندهی جواب قیترگن اېمس.
دیمک طالبان افغانستانده عیاللرگه نسبتن چیکلاولری دوامیده، یقینده بیرلشکن ملتلر تشکیلاتی ادارهلریده هم عیاللر حضورینی تقیقلگن اېدی.
بیرلشکن ملتلر تشکیلاتی بوندن ایلگری هم، طالبان اوشبو قراری عاقبتلری حقیده آگاهلنتیرگن اېدی.
