طالبان عالي محکمه سی کابل ولایتیده مخدره مادّهلرنی ساتیش وقاچاق قیلیش عیبی بیلن 18 نفر شخص قمچیلنگنینی اعلام قیلیندی.
محکمه پنجشنبه کونی، 27- قوس ترقتگن بیاناتیده هر بیر شخصگه 10 دن 39 تگهچه قمچی ضربهسی بېریلگنینی معلوم قیلگن.
بیاناتگه کۉره، اوشبو شخصلر نینگ هر بیری 7 آیدن 3 ییلگچه قماق جزاسیگه هم حکم قیلینگن.
انسان حقوقلری تشکیلاتلری نینگ قارهلشلریگه قرهمهی، طالبان نینگ دله محکمه سی حلی هم دوام اېتماقده.
طالبان اۉتگن کون هم جوزجان و بلخ ولایتلریده، بیر عیالنی هم اۉز ایچیگه آلگن تۉرت نفر شخصنی تورلی عیبلاولر بیلن 1 ییلدن 3 ییلگچه قماق جزاسیگه حکم قیلیب، اولرگه 15 دن 39 دٌره اورگن.
