نارویدهگی افغانستان اېلچیلیگی طالبان تشقی ایشلر وزیرلیگی بیلن همکارلیکده افغانستانلیکلرگه پاسپورت ترقهتیش جریانی باشلنگنینی اعلان قیلدی.
اېلچیلیک بوگون (پنجشنبه،۲۷ قوس) ترقهتگن بیاناتیده ناروېگيه، دنمارک و آیسلنده یشاوچی افغانستانلیکلر اسلو شهریدهگی افغانستان اېلچیلیگی آرقهلی پاسپورت آلیشلری ممکنلیگینی معلوم قیلدی.
اسلو شهریدهگی افغانستان اېلچیخانهسی فعالیتی ۲۰۲۴-ییل سپتامبر آییده تۉختهتیلگن اېدی. ۲۰۲۵-ییل مارچ آییده اېسه طالبان حکومتی بیلن همکارلیک یۉلگه قۉییلگچ، اېلچیخانه قَیته فعالیتینی باشلهدی.
حاضرده اېلچیخانه وظیفهسینی نجیبالله شاهین بجریب کېلماقده.
عینِ پیتده منطقه دولتلریدهگی افغانستان اېلچیخانهلری طالبان نظارتیگه اۉتگن.
سابق حکومت دیپلوماتلری باشقروویده قالگن اَیریم اېلچیخانهلر طالبان بیلن همکارلیک قیلماقده. بیراق طالبان بیلن علاقهگه اېگه بۉلمهگن دیپلوماتیک وکالتخانهلر فلج حالتگه توشگن یاکه بوتونلهی یاپیلگن.
طالبان تشقی ایشلر وزیرلیگی اۉتگن ییلی اوشبو گروه بیلن همکارلیک قیلمهیاتگن سیاسي وکالتخانهلرنینگ قنسوللیک خدمتلرینی حقیقي اېمس، دېب اعلان قیلگن اېدی.
نارویدهگی افغانستان اېلچیلیگی طالبان بیلن همکارلیکده پاسپورت ترقهتیش جریانینی باشلهدی
