کریملن سۉزلاوچیسی دیمیتری پسکوف روسیه اوکرایندهگی اوروش بۉییچه احتمالي کېلیشوو یوزهسیدن واشینگتن نینگ کییف بیلن آلیب بارهیاتگن مذاکرهلری تفصیلاتلریدن خبردار بۉلیش اوچون امریکا بیلن علاقه اۉرنهتیشنی رېجهلشتیرهیاتگنینی ایتدی.
تاس اخبارات آژانسی خبر بېریشیچه، پسکوف بو حقده پنجشنبه کونی، 18- دسمبر ژورنالیستلر بیلن صحبتده معلوم قیلگن.
اونینگ قۉشیمچه قیلیشیچه، مسکو امریکا رسميلری بیلن علاقهلرنی یۉلگه قۉییشگه حرکت قیلماقده، شونده امریکا کییف و بروکسل اۉرتهسیدهگی مذاکرهلر نتیجهلری حقیده ضرور معلوماتلرنی آلیش ممکن بۉلهدی.
امریکا نینگ اکسیوس نشری منبعلرگه تهیهنیب خبر بېریشیچه، امریکا، اوکراین و روسیه نماینده لری علیحده اوچرهشوولر اۉتکزیش اوچون شو هفته فلوریدا ایالاتیده میامی شهریگه باریشهدی.
خبرلرگه کۉره، امریکا جمهور باشلغی دونالد ترامپ نینگ نماینده لری استیو ویتکاف و جرد کوشنر روسیه جمهور رییسی ولادیمیر پوتین نینگ مخصوص نماینده لری کریل دیمیتریف بیلن اوچرهشیب، مذاکرهلر آلیب باریشی رېجهلشتیریلگن.
