اوکراین جمهور باشلیغی ولادیمیر زیلینیسکی، بو مملکتده دوام اېتیب تورگن اوروش حقیدهگی ینگی بیاناتیده، امریکا رهبریتیده بۉلگن تینچلیک سۉزلشوولری قۉللب-قۉتلنیشینی طلب قیلدی.
زیلینسکی اوکراین شریکلری اینقسه بو مملکتنی حمایه قیلیب کېلەیاتکن اروپا مملکتلریدن بو مسالهنی سۉرهگن.
زیلینسکیگه کۉره، دونالد ترامپ باشقیروودهگی امریکا حکومتی، روسیه بیلن یخشی و اونملی مسالهلر اساسیده مذاکره قیلماقده دیر.
عینی حالده اوکراین جمهور باشلیغی، مذاکره ایجابی نتیجه بېرمەگن تقدیرده، باشقه چاره اویلب کۉریشنی تاکیدلگن.
دیمک حاضرگچه اوکراین اوروشی خصوصیدهگی مذاکرهلر هیچ قندهی نتیجهگه ایریشگن اېمس.
بوندن ایلگری، امریکا قوشمه ایالتلری جمهور باشلیغی دونالد ترامپ تامانیدن، بو خصوصده ۲۸ بنددن عبارت بیر ریجه هم تیارلنگن اېدی.
بو ریجه آرتیدن، اوکراین جمهور باشلیغی هم ۲۰ بندلیک بیر ریجهنی امریکاگه تاپشیردی. بیراق اوشبو اینتیلیشلرگه قرهمی اوکراین اوروشی سونگگی وقتلر ایچیده جدیلشگن.
