پایتخت کابلنینگ بیر قنچه منطقهلریده اوزلوکسیز برق انرژیسی تأمیناتی بیلن باغلیق معمالر کوزهتیلماقده.
قَیسی منطقهلرده اوزیلیشلر بۉلهیاتگنی انیق اېمس، اما کمیده اوچته منطقهده برق اوزیلیشی حقیده خبرلر بار.
کابل غربی منطقهسیده یشاوچی بیر کیشی اطلاعات روز بیلن صحبتده، برق کېچهگی( شنبه۲۹ قوس) کوندن بېری اوزیلگنینی بیلدیرگن.
شهر مرکزیده یشاوچی باشقه بیر کیشی اېسه ایکّی کوندن بېری برق یۉقلیگینی ایتگن.
برق شرکتی «برشنا» اوزیلیش سببینی یامغیر نتیجهسیده یوزهگه کېلگن ناسازلیک دېب ایضاحلهگن، اما تفصیلات بېرمهگن و تېز آرهده توزهتیلیشینی بیلدیرگن.
شونینگدېک، تورکمنستاندن هراتگه کېلتیریلگن برق هم جمعه کېچهسی قار و موزلش سببلی اوزیلگن.
افغانستان نینگ برقی قۉشنی دولتلردن کېلتیریلگن و وارد قیلینگن برق مملکت نینگ عمومي احتیاجینی قاپلشگه یاردم بېرهدی. شو باعث، افغانستان شهرلریده دایمي برق آزلیگی معماسی موجود
