رواداری انسان حقلری تشکیلاتی یقینده بیر تدقیقی حسابات نشر قیلیب، افغانستانده اسماعیلیه مذهبیده بۉلگن اهالی احوالیدن خواطر بیلدیردی.
اوشبو حسابات تاپیشمهلری اساسیده، افغانستان اینقسه بدخشان ولایتیده اسماعیلیه مذهبیده بۉلگن اهالی، طالباننینگ آغیر چیکلاولری، زورهوانلیکلری و باسیملری بیلن دوچ دیر.
حساباتگه کۉره، طالبان اسماعیلیه مذهبیده بۉلگن شخصلرنینگ مذهبی اۉزلیکلرینی یۉقاتیش اوچون تیزیملی روشده حرکت قیلماقده دیر.
طالبان بو خصوصده، اسماعیلیه مذهبیده بۉلگن عایلهلرنی بالهلری حنفی مذهب تعلیملرینی آلیشده مجبورلنتیرگن و بونگه قوشیمچه اولرنی مذهبلرینی ترک اېتیش اوچون هم باسیم آستیده آلگن.
شونینگدېک بو مذهب پیروانلری تیریکچیلیکلرینینگ تورلی ساحهلری طالباننینگ آغیر چیکلاولری و باسیملری بیلن دوچ بۉلگنی هم قید اېتیلگن.
رواداری انسان حقلری تشکیلاتی بو حساباتنی، انسان حقلری نقض اېتیلگن ۲۵ کیشی جملهدن بیش عیال بیلن اۉتکزگن صحبتلری اساسیده تیارلب، نشر قیلگن.
