عبدالغنی عبداللهیوف 1942 ییل 23 اپریلده نمنگان شهریده ایشچی عایلهسیده دنیاگه کېلگن. 1964 ییلی تاشکېنت تیاتر و رسّامچیلیک انستیتوتینی تماملهگن. 1964-2012 ییللرده سمرقند ولایت تیاتری، نمنگان مدنیت باشقرمسیده، ولایت رادیوسیده، 1978 ییلدن «نمنگان حقیقتی» گزېتهسیده کۉپ ییللر ادبي بۉلیم محرری صفتیده فعالیت کۉرسهتگن.
عبدالغنی عبداللهیوف ادبیاتگه شعر یازیش بیلن کیریب کېلگن، کېین اېسه نثرده ایجاد قیلیشگه اۉتگن. اونینگ حکایهلری، هجویهلری، ایچکوزدی هنگامهلری، لطیفهلری گزېته و ژوناللرده، تۉپلملرده منتظم اعلان قیلینیب کېلگن.
اونینگ «السلام و علیکم» قصهسی سعیداحمدنینگ سۉزباشیسی بیلن «شرق یولدوزی» نینگ 1986 ییل 12-سانیده باسیلگن. «قرسکلر دوام اېتهدی» قصهسی اوّل «بیز نینگ یۉلیمیز» نامی بیلن 1988 ییلده «یاشلیک» ژونالیده، سۉنگ علیحده کتاب بۉلیب چیققن بو مؤلف نینگ بیرینچی کتابی حسابلنهدی. کېینچهلیک او «منجم نینگ خطاسی»، «اېچکی سوتی»، «پۉشت، بیز کېلیهپمیز»، «گپیرهدیگن قۉی» کتابلرینی هم تقدیم اېتگن. «سلامت بۉلسینلر»، «احماق»، «طلابی» قصهلرینی یازگن. اینیقسه، یازووچی نینگ «احماق» قصهسی جمهوریتده کېنگ شهرت قازانگن. اونینگ «عنوان» رومانی، اېسې-خاطرهلری، اۉنلب هجویهلری و تېلېمینیهتیورهلری کیشیلر قلبیدن جای آلگن. قلّابلرنی فاش اېتووچی «وسوسه» ستیریک کمیدیسی ولایت تیاتریده صحنهلشتیریلگن.
