طالبان اعلام قیلیشیچە، اوشبو حاکمیت باش وزیرینینگ اقتصادی مسٲلهلر بۉییچه اۉرین باسری عبد الغنی برادر رسمی سفر بیلن هرات ولایتیگه کېلگن بۉلیب، بو ییرده بیر نېچه آست-قورمه و صناعت لایحهلرینی آچیب بېریشنی مقصد قیلگن.
هرات ولایتدهگی طالبان حاکمینینگ مطبوعات خذمتی بوگون پنجشنبه، ۴-جدی ترقتگن بیاناتده اوشبو سفرنینگ مقصدی ولایتیده بیر نېچه ییریک برق تعمیناتی لایحهلرینی ایشگه توشیریش و ینگی صناعت آست- قورمه فعالیتینی باشلشی لازم اېکنینی معلوم قیلگن.
هرات ولایتی طالبان حاکیمی نواحمد اسلام جار بوگونگی مراسیمده ولایتده بیر نېچه ییریک اقتصادی لایحهلر عملگه آشیرهیاتگنینی ایتگن.
او قۉشیمچه قیلیب، TAPI لایحهسی کېلگوسی بیر ییل ایچیده هرات شهریگه یېتیب کېلیشینی و بو ایش هرات اوچون کته اقتصادی اۉزگریشلرگه ضامن یرهتیشنی ادعا قیلگن.
اسلام جار، شونېنگدېگ، عمومی قیمتی قریب۴ میلیارد افغانی بۉلگن پل هاشیمی سب استنسیهسی بوگون رسما فایدهلنیشگه تاپشیریشینی ایتگن.
هرات ولایتی طالبان حاکمینینگ سۉزلریگه کۉره، هرات -خاف تېمیر یۉل لایحهسی، پشدان بندی و پل هاشیمی سب استیشن کبی لایحه لر هرات اقتصادی رواجیده مهم رول اۉینهدی.
