منبعلرنینگ ایتیشیچه، طالبان نینگ کابلدهگی استخبارات ادارهسی سابق حکومت اوردوسی نینگ بیر کماندو اعضاسینی حبسگه آلگن.
منبعلرگه کۉره، بو سابق حربينینگ اسمی عظیم الله بۉلیب، او پنجشیر ولایتی آبشار تومنینینگ باباعلی منطقهسیده توغیلگن.
پنجشیردهگی بیر منبعنینگ اطلاعات روزگه ایتیشیچه، عظیم الله شنبه کونی،۲۸ قوس کابل شهریدهگی قمبر چارراههسیده طالبان استخباراتی تامانیدن حبسگه آلینگن و حاضرگچه اونینگ تقدیری حقیده هېچ قندهی معلومات یۉق.
منبعلرنینگ قۉشیمچه قیلیشیچه، بو سابق حربي جمهوریت قولهگنیدن سۉنگ ایرانگه کېتگن، تخمیناً اوچ آی آلدین ایراندن چیقریلگن و کابل شهریده یشب کېلهیاتگن اېدی.
طالبان ایلگری هم ایراندن چیقریلگن سابق حربيلرنی حبسگه آلیب، قماققه تشلهگن و اَیریم حالتلرده اولرنی اۉلدیریشده عیبلنگن.
فاریاب ولایتینینگ بلچراغ اولسواللیگیده محلي منبعلرنینگ ایتیشیچه، یقینده ایراندن چیقریب یوباریلگن جورهقل اسملی سابق حربي تیناوون طالبان اعضالریدن بیری تامانیدن اۉلدیریلگن.
