ایران تشقی ایشلر وزیری عباس عراقچی، افغانستانده برچه خلق نمایندهلری حکومت شکلینی بېلگیلش حقوقیگه اېگه بۉلیشی کېرهکلیگینی ایتدی.
ایران یېتکیرمەلری خبریگه کۉره، عراقچی روسيهنینگ «میگیمو» بیلیم یورتیده قیلگن چیقیشیده ایران افغانستاندهگی طالبان حکومتی بیلن کۉپلب معمالرگه اېگه اېکنینی و حاضرگچه اوشبو گروه حکومتینی رسماً تن آلمهگنینی معلوم قیلگن.
او چېگره خوفسیزلیگی، سوو مسألهسی، مخدر مادّهلر و مهاجرت مسألهلرینی طالبان بیلن ایران اۉرتهسیدهگی اساسي معمالر قطاریده سنهب اۉتدی.
شو بیلن بیرگه، ایران تشقی ایشلر وزیری طالبان حکومتینی افغانستان نینگ حاضرگی سیاسي واقعیتی دېب اتب، موجود معمالرنی حل قیلیش اوچون او بیلن ملاقات آلیب باریلهیاتگنینی ایتدی.
سۉنگّی تۉرت ییل دوامیده ایران طالبان بیلن کېنگ کۉلملی سیاسي و اقتصادي علاقهلر اۉرنهتگن همده افغانستان اېلچیخانهسی و قونسوللیکلرینی اوشبو گروهگه تاپشیرگن.
بیراق شونگه قرهمهی، ایران و طالبان اۉرتهسیده سوو اولوشی (سوو حقی) و باشقه مسألهلر یوزهسیدن جدّي کېسکینلیکلر هم بۉلگن بۉلیب، بو بیر نېچه بار حربي تۉقنهشوولرگه هم سبب بۉلگن.
