کېچه تخار ولایتینینگ سابق امنیه قوماندانی جنرال اکرامالدین سریع نینگ فاتحه مراسمی مناسبتی بیلن زوم آرقلی اۉتکزیلگن ییغیلیشده افغانستاننینگ خارجدهگی بیر قنچه سیاستچلری همده حزبلر رهبرلری اشتراک قیلیب، نطق سۉزلهدیلر.
اوشبو ییغینده افغانستانلیک سیاسی سیمالر طالبلر حاکمیتی آستیدهگی افغانستان بارهسیده جدی صحبتلر قیلیب، مملکتده بو وضعیتنینگ دوام اېتیشی هیچ کیم اوچون چیدهگی دیک بیر احوال اېمس دېدیلر.
اوشبو ییغیلیش ده سۉزلشگن افغانستان ملی جنبشی حزبی نینگ رهبری مارشال عبدالرشید دوستم طالبلرگه اپوزیسیون بیلن بیرگه مذاکره میزیگه اۉلترینگ، بۉلمسه یېرگه تیز چۉکیشگه مجبور قیلهمیز دېب آگاهلنتیردی.
شونینگدیک بو ییغینده صحبت قیلگن مارشال عبدالرشید دوستم، طالبلرنی تیز چۉکتیریشگه مجبور قیله آلمهگن حالده، حربی ربتهسینی دوباره خلقگه قیتریب بیریشنی تیلگه آلگن.
باشقه تاماندن طالبلرگه خطاب قیلگن مارشال دوستم افغانستاننی اېگهسی فقط سیزلر اېمس سیزلر، بلکه باشقه لر هم بو اولکهنینگ ایگهسی حسابلنه دیلر دېب تیلگه آلدی.
تخار ولایتینینگ سابق امنیه قوماندانی جنرال کرامالدین کرام همده محمدامین الماس اۉتگن هفته چهارشنبه کونی ایراننینگ تهران شهریده نا معلوم قوراللی شخصلر تامانیدن آتیب اۉلدیریلگن اېدی. اونینگ اۉلدیریلیشی سیاسی جریانلر اۉرتهسیده جدی عکس العمللرگه سبب بۉلدی.
منو
