پاکستان نینگ افغانستان بۉییچه مخصوص نمایندهسی محمد صادق، ایران تشقی ایشلر وزیرلیگینینگ جَنوبي آسیا بۉییچه باش دیرېکتوری محمد رضا بهرامي بیلن منطقه خوفسیزلیگی و تروریزم نینگ دایمي تهدیدی مسألهسیده صحبتلشگنینی ایتدی.
او بوگون سهشنبه، 9 ایکس اجتماعي ترماغیده یازگن پُستی آرقهلی اوشبو آنلاین ملاقات حقیده معلوم قیلدی.
پاکستان مخصوص وکیلی نینگ ایتیشیچه، بهرامي یقینده افغانستانگه تشریف بویورگن و طالبان رسميلری بیلن منطقه خوفسیزلیگی همده تروریزم تهدیدی یوزهسیدن مذاکرهلر آلیب بارگن.
پاکستان رسميلری افغانستانده موجود ترورچی گروهلر پاکستان و بوتون منطقه خوفسیزلیگیگه تهدید سالهیاتگنینی تأکیدلهماقده.
اولر نینگ ادعاسیگه کۉره، اوشبو گروهلر، جملهدن پاکستان طالبان حرکتی (تیتیپی) افغانستان توپراغیدن پاکستانگه قرشی فایدهلنماقده.
افغانستاندهگی طالبان اېسه مملکتده ترورچی گروهلر بارلیگینی انکار اېتهدی و افغانستان توپراغیدن باشقه دولتلرگه قرشی فایدهلنیشگه هېچ کیمگه رخصت بېریلمسلیگینی ایتهدی.
