اېکینچیلیک وزیرلیگی اۉرین باسری۲۱۷ عمری قول اردوسینینگ رئیس ارکانی اېتیب تعینلهدی.
طالبان رهبری هبت الله آخوندزاده فرمان چیقریب، اوشبو گروهنینگ مدافعه وزیرلیگیدهگی بیر قتار عملدارلرنی المشتیردی.
طالبان سۉزلاوچیسی ذبیح الله مجاهد بوگون پنجشنبه ۱۱- جدی ایکس اجتماعی ترماغیده یازیشیچه، مذکور فرمانگه بناً قیشلاقلرنی تیکلش و رواجلنتیریش وزیرلیگینینگ سابق اېکینچیلیک وزیرلیگی اۉرین باسری نثار احمد نصرت “۲۱۷عمری قۉل اردوسی” رئیس ارکانی اېتیب تعینلنگن.
اونینگ قۉشیمچه قیلیشیچه، هلمند ولایتی اوی-جای و شهرسازلیک ادارهسینینگ سابق رئیسی محمد نعیم معتمد “۲۰۵بدر قول اردوسی” ایکّینچی پیاده قومندانی، عتیق الله حبیب اوشبو قول اردو قومندانینینگ اۉرین باسری، عبدالرحمن عمر یاثر”۲۰۳منصور قول اردوسی” اوچینچی چېگره قوماندانی، محمد عاصف ذاکر اوشبو قول اردونینگ بیرینچی پیاده قوماندانی، عبدالباقی حسن”۲۰۹ الفتح قول اردوسی” ایککینچی پیاده سی قوماندانی و نصیب الله زبیر مدافعه وزیرینینگ خذمتلر ریاستینینگ رئیسی اېتیب تعینلنگن.
