آستانه تایمز نینگ اعلان قیلیشیچه، قزاقستان ۲۰۲۵ ییلده ساغلیقنی سقلش و یشم محیطنی قوریش یۉنهلیشیده کتته یوتوقلرگه اېریشدی. حکومت اصلاحاتلری و ملی دستورلر اهالی نینگ ساغلیگینی یخشیلش، طبی خدمتگه اېریشیش نی کېنگیتیریش همده ایکالوژی برقرارلیکنی مستحکملشگه یاردم بېردی.
دولت ساغلیقنی سقلشده تاریخی نتیجهلرگه اېریشیب، NCDs(یورهک، قان تامیرلری، سرطان و دیابت کبی یوقوملی بۉلمهگن کسللیکلر) سببلی اېرته اۉلیمنی ۲۵ فایزگه آزهیتیرگن مرکزی آسیادهگی بیرینچی دولت بولدی. قزاقستان WHO اروپا منطقهسی بوییچه اوشبو کۉرستگیچگه اېریشگن ۱۰ دولتدن بیری صفتیده اعتراف اېتیلدی.
عمومی اۉلیم درجهسی ۲،۷ فایزگه آزهیدی، چقهلاقلر اۉلیمی اېسه ییل دوامیده ۲۰،۲ فایزگه کمهیدی. اوشبو نتیجهلر کېنگهیتیریلگن اېملش دستوری، بیرلمچی طبی خدمت نینگ کوچهیتریلیشی و اېرته تشخیص امکانیتلرینینگ یخشیلنیشی بیلن باغلیق.
آنهلر اۉلیمی ۱۲ فایزگه آزهیدی و تاریخی اېنگ پست درجهگه یېتدی. JSST متخصصلری قزاقستاننی منطقه اوچون مدل صفتیده توصیه قیلدی. همده، آنهلر ساغلیگی یۉنهلیشیده ایجابی اۉزگریشلر و جملهدن اۉسمیر قیزلر اوچون اېرته تیکشیروولرنی یوقاری بهالهدی.
ساغلیقنی سقلشگه سرمایه ۸،۴ ٪ گه آشیب، ۹۲۰ میلیون دالرگه یېتدی. درمان-دارولرگه ایشلب چیقاریشگه اجرهتیلگن مبلغ اېسه ۹۱،۳ میلیون دالرکه کۉپهیدی. حکومت ۲۰۲۹ ییلگچه محلی درمان-داری ایشلب چیقاریش اولوشینی ۵۰٪ گه یېتکزیشنی ، ملی طبی اوسکونه ایشلب چیقاریش و رواجلنیشنی مقصد قیلگن.
دیجیتال طبی ساحهسیده ۲۰۲۵ ییلده ۲،۷ میلیون آنلاین طبی مصلحت بیریلدی. «آنلاین طبی» پیلوت لایحهسی سکیز ولایتدهگی ۱۰۰ طبی موسسهده ایشگه توشدی و قیشلاقلرده طبی خدمتلرنی آسانلشتیردی. اینقسه طبیات عالی اۉقوولریدن ۱۰۵۰۰ نفر متخصصلر فراغت تاپدی. اولر نینگ ۳۴٪ قیشلاق طبیات موسسهلریده کادرلر یېتشماوچیلیگینی کمهیتیریشگه یاردم بېردی.
