محلی منبعلرنینگ یېتکیرمهلرگه تصدیقلشیچه، بدخشان ولایتی مرکزی فیضآباد شهریده اسماعیلیه مذهبیگه منسوب بیر یاش ییگیت نامعلوم قوراللی شخصلر تمانیدن آتیب اۉلدیریلگن.
نشر بۉلگن خبرلرده ایتیلشیچه، اوشبو حادثه جمعه کونی کېچقرون ساعت بېش اطرافیده، ۱۲-جدی یوز بېرگن و حاضرگچه بو ییگیتنینگ اۉلدیریلیشی سببی انیقلنمهگن.
بیراق منبعلرنینگ قۉشیمچه قیلیشیچه، طالبان تامانیدن بدخشانده اسماعیلیهلر اوستیگه باسیملر کوچهییب بارهیاتگنی بیلن بیرگه، سۉنگی پیتلرده اوشبو مذهب نماینده لریگه نسبتن “سرلی قاتیللیکلر” هم کۉپیگن.
شو بیلن بیرگه، بیرلشکن ملتلر تشکیلاتی نینگ افغانستاندهگی یاردم دفتری (یوناما) آلدینراق اعلام قیلگن حساباتیده ایتیشیچه، اگر اسماعیلیه عایلهلر اۉز فرزندلرینی سنی مذهب مکتبلریگه رویخطدن اۉتکزمسهلر، طالبان تامانیدن ۲۰۰۰۰دن ۲۰۰۰۰۰گچه جرمیگه تارتیلیش ممکنلیگینی بیلدیرگن.
