افغانستان آزادلیک جبههسی نینگ ادعا قیلیشیچه، قندوز ولایتده طالبانگه قرشی عملگه آشیریلگن بیر هجومده اوشبو گروهنینگ ایکّی جنگچیسی اۉلدیریلگن و ینه ایکّی کیشی یرهلنگن.
آزادلیک جبهه سی بوگون شنبه ۱۳- جدی ترقتیلگن بیاناتده، بو هجوم کېچه کېچقرون قندوز شهریدهگی” مفتی سراج” مسجدی یقینیدهگی (بندر امام صاحب) یۉلیده یوز بېرگنینی معلوم قیلگن.
جبههنینگ ایتیشیچه، هجوم وقتیده طالبان جنگچیلرینی تشووچی موتر هم یاقیب یوباریلگن.
شونینگدېک، آزادلیک جبهه ایلگری فاریاب ده طالبان محکمهسی بناسیگه قیلگن هجوم هم اۉز ادعاسیده اعلام قیلینگن بۉلیب، اولرگه کۉزه اوشه هجومده تۉرت طالبان عسکری هلاک بۉلگن.
