طالبان رهبری هبت الله آخندزاده بویوروق بېریب، اۉز خادملرینی آگاهلنتیریب، اولرنی کته (سیناو) کوتیب توریشینی ایتگن، اما بو حالت حقیده انیق معلومات بېرمهگن.
او بو باره ده طالبان اعضالری آرهسیده “ایشانچ محیط” یرهتیشگه اهالیگه اورغو بېریب تقوا و کبر مغرورلیک، ظلم و خیانتدن سقلنیش آرقهلی بو کته سیناودن اۉتیش ممکنلیگینی تٲکیدلهگن.
طالبان رهبری اۉز خادملریگه شوندی دېگن:” اۉز ارا ایشانچسیزلیک کېلتیریب چیقریشی ممکن بۉلگن حرکتلردن سقلهنینگ”.
شونینگدېک، هبت الله آخندزاده اۉز خادملریگه بیر-بیریلرینینگ ایشلریگه ارهلشمسلیک بیلن آگاهلنتیرگن.
طالبان رهبری اعضالری و یېتکچیلری اۉرتهسیده ایشانچنی یرهتیشگه اورغو بېرگن بۉلسه-ده آلدینراق طالبان رهبرلری آرهسیدهگی کېلیشماووچیلیکلر حقیده خبرلر ترقلگن؛ بو کېلیشماوچیلیکلر بعضن عاموی اخبارات واسطهلری آرقهلی میدانگه چیققن و نتیجهده طالبان تشقی ایشلر وزیرینینگ سابق اۉرینباسری عباس ستانکزینینگ چېت اېلگه قاچیشگه آلیب کېلگن.
شونینگدېک، طالبان ایچکی ایشلر وزیری سراج الدین حقانی هم آلدینراق کابلده اۉزلرینینگ پولیس کوچلری بیتروو مراسیمده، جاری وضعیتنینگ جدی اېکنلیگینی آگاهلنتیرگن اېدی.
