جوزجان ولایتدهگی منبعلر ۲۴یاشلی بیر ییگیت خانقاه اولسواللیگیده اۉز اوییده قوراللنگن اۉغریلر تامانیدن اۉلدیریلگنینی معلوم قیلدی.
منبعرلرگه کۉره، بو واقعه جمعه کېچهسی۱۲- جدی خانقاه تومنی مرکزیده یوز بېرگن.
ایتیلیشیچه، قوراللنگن اۉغریلر اویگه باستیریب کیریب، مال و ملکنی اۉغیرلشگه اورینگن، بیراق اوی اېگهسی اولرگه قرشیلیک کۉرستگن.
طالباننینگ جوزجاندهگی ولایت امنیه قوماندانلیگی هم ییگیت اۉغریلر بیلن بۉلگن تۉقنشووده هلاک بۉلگنینی تصدیقلهگن.
مذکور قومندانلیکنینگ قۉشیمچه قیلیشیچه، عایله اعضالرینینگ قالگنلری تۉی مراسیمیده بۉلگن و اویده فقط بیر کیشی قالگن اېدی.
شونینگدېک، قاتیلیککه علاقهدارلیکده گمان قیلینیب بیر کیشی قۉلگه آلینگنینی بیلدیردی.
سۉنگی پیتلرده ولایتلردن قوراللی اۉغیرلیک و قاتللیکلر حقیده هر کونی خبرلر کېلماقده.
