ونزویلا جمهور رییسی نیکلاس مادورونینگ امریکا تامانیدن حبسگه آلینیشی آرتیدن، مملکت عالي محکمهسی مادورونینگ اۉرینباسری دلسی رودریگز نی مؤقت جمهور رییس اېتیب تعیینلهدی.
رویترز اخبارات آژانسی بوگون یکشنبه، 4-جنوری، ونزویلا عالي محکمهسی گه تهینیب خبر بېریشیچه، رودریگز مملکتنی باشقریش و اونی هر تامانلهمه حمایه قیلیش اوچون مادورونینگ وظیفهلرینی اۉز ذمّهسیگه آلهدی.
محکمه قراریده شوندهی دېییلهدی: «ونزویلا جمهور رییسی مجبوري روشده یۉقلیگیده دولت حاکمیتی نینگ اوزلوکسیزلیگینی تأمینلش، مملکت ایشلرینی باشقریش و حاکمیتدن حمایه قیلیش اوچون ضرور حقوقي میکانیزملر بېلگیلنسین.»
خبرده ایتیلیشیچه، امریکا مخصوص کوچلری جمهور رییس دونالد ترامپ بویروغیگه کۉره کېچه تانگده ونزویلاگه هجوم قیلگن.
نیکلاس مادورو امریکا مخصوص کوچلری تامانیدن حبسگه آلینیب، نیویارک شهریگه آلیب باریلگن.
