الجزیره نینگ خبر بېریشیچه، امریکا تامانیدن ونزویلا جمهور ریییی نیکلاس مادورونینگ حبسگه آلینگنی اعلام قیلینگنیدن بیر نېچه ساعت اۉتیب، اسراییللیک سیاستچی یائیر لاپید تهرانگه هجوم احتمالی حقیده آگاهلنتیریش بېرگن.
اسراییللیک سیاستچی شوندهی دېگن: «ایران رژیمی ونزویلاده یوز بېرهیاتکن واقعهلرگه دقّت بیلن اعتبار قرهتیشی کېرهک.»
مادورونینگ حاکمیتدن مجبورن چېتلهتیلیشی امریکا جمهور رییسی دونالد ترامپ نینگ اسراییل باش وزیری بنیامین نتنیاهو بیلن اوچرهشوویدن و ایرانگه قرشی ینگی هجوملر بیلن تهدید قیلینگنیدن بیر هفتهدن کم وقت اۉتیب یوز بېرگن.
گرچه واشنگتن نینگ کاراکاس و تهران بیلن بۉلگن کېسکینلیکلری تورلی ایلدیزلر و دینامیکهلرگه اېگه بۉلسه-ده، تحلیلچیلر نینگ ایتیشیچه، ترامپ نینگ مادوروگه قرشی حرکتی ایران بیلن اوروش احتمالینی آشیرهدی.
الجزیره گزارشیگه کۉره، امریکا-ایرانیلر ملي کېنگشی رهبری جمال عبدی شوندهی دېگن: «ینگی قانونسیزلیک حالتی همه نرسهنی ینهده بېقرار قیلهدی و اوروش احتمالینی آشیرهدی. ترهمپ رژیمینی «جراحلیک یۉلی بیلن» المشتیریش غایهسیگه بېریلیب کېتسین یاکه نېتانیاهوگه شونگه اۉخشش حرکتلر اوچون امریکا رخصتینی بېرسین بولر نینگ برچهسی ایرانگه قرشی ینه اوروش بۉلیشینی ایستهیاتگن کۉپلب اۉیینچیلرگه قندهی قیلیب تورتکی بېرمسلیگینی تصور قیلیش قیین.»
