طالبان نینگ جوزجان ولایتی خوفسیزلیک قوماندانلیگی معلوم قیلیشیچه، اوشبو گروه نینگ فیض آباد اولسواللیگی عشر و زکات بۉییچه مسوولی آتیب اۉلدیریلگن.
معلوماتلرگه کۉره، قاتللیک یکشنبه کونی 14 -جدي ساعت تخمیناً 16:00 ده فیض آباد تومنیدهگی «40 مترلی کۉچه»ده یوز بېرگن.
جوزجان ولایتی امنیه قوماندانلیگی نینگ بیلدیریشیچه، بو گروه اعضاسی نینگ اۉلدیریلیشیده اشتراک اېتگن ایکّی کیشی عیاللر کییمیده بیر تورر جای اوییدن قۉلگه آلینگن.
قوماندانلیک قاتللیک نینگ سببلری و قندهی یوز بېرگنی حقیده به تفصیل معلومات بېرمهگن. شونینگدېک، اوشبو ایشده گمان قیلینهیاتگن شخصلر نینگ شخصی هم حاضرچه نامعلوم.
شو بیلن بیرگه، جمعه کونی کېچهسی جوزجان ولایتی نینگ خانقاه اولسواللیگیده 24 یاشلی ییگیت قوراللی اۉغریلر تامانیدن اۉز اوییده اۉلدیریلگنی حقیده هم خبر بېریلگن اېدی.
اۉتگن کون اېسه قندهارده بیر باله نینگ جسدی تاپیلگنی حقیده خبرلر ترقهلگن.
