بیرلشگن ملتلر تشکیلاتی نینگ افغانستاندهگی انسان یشش جایلری دستوری لغمان ولایتیده ایچکی قَیتیب کېلگن اهالی معماسینی حل اېتیش مقصدیده قویاش انرژیسی بیلن جهازلنگن ییریک سوو تأمیناتی تیزیمی قوریلیشینی معلوم قیلدی.
مذکور تشکیلات بوگون دوشنبه، 15 – جدي ینگی سوو تیزیمی 600 عایله نینگ احتیاجینی قمرب آلیشینی و اولر اوچون ایچیملیک سوویدن برقرار فایدهلنیش امکانینی یرهتیشینی بیلدیردی.
دستوراوشبو لایحه حقیده شوندهی دېدی: «بو لایحه جمعیت اوچون حقیقي حیات یۉلی حسابلنهدی».
قید اېتیلیشیچه، لایحه لغمان ولایتیده ایچکی قَیتیب کېلگنلر و کۉچیریلگن اهالی یشش شرایطلرینی یخشیلشگه قرهتیلگن سعی-حرکتلر نینگ بیر قِسمی بۉلیب، ایچیملیک سووی تنقیصلیگیدن کېلیب چیقهدیگن معمالرنی کمهیتیریشنی مقصد قیلگن.
بو قَیته قوریش ایشلری یونیسف آلدینراق میلیونلب افغانستانلیکلر اوچون تازه سووگه کیریش کېسکین چېکلنگنی و افغانستان اهالیسی نینگ هر 10 نفردن 8 نفری افلاس سوو ایچهیاتگنی حقیده خبر بېرگن بیر پیتده عملگه آشیریلماقده.
