منبعلر بوگون دوشنبه، 15- جدی، یېتکیرمهلرگه بېرگن معلوماتیگه کۉره، بوگون ساعت 9:45 ده وزیرلیک بناسی ارگ قرشیسیده بیر یاش اېرکک اوشبو قیزگه قرهته اۉق اوزگن و واقعه جاییدن قاچیب کېتگن.
منبعلر نینگ ایتیشیچه، قیز کوما حالتیده شفاخانهگه یېتکزیلگن و حاضرگی پیتده اونینگ احوالی آغیر دېب بهالنماقده.
حاضرگچه اوشبو حادثه نینگ سببلری و قۉشیمچه تفصیلاتلری انیقلنمهگن.
بو واقعه سۉنگگی تۉرت ییلدن آرتیق وقت دوامیده، طالبان قَیته حاکمیتنی قۉلگه آلگنیدن کېین، افغانستانده عیاللرگه نسبتاً زۉرآورلیک هر قچانگیدن هم کۉپراق آشگن بیر پیتده یوز بېردی.
شونگه اۉخشش حادثهلرده، بیر قنچه عیاللر نینگ هجومگه اوچرهگنی یاکه تهدید قیلینگنی حقیده خبرلر بېریلگن بۉلیب، بو واقعهلر نینگ کۉپی جماعت جایلری کبی تورلی حدودلرده یوز بېرگن.
