محلي منبعلرنینگ خبر بېریشیچه، تخار ولایتی چاه آب تومنیده محلي اهالی بیلن طالبانگه باغلیق آلتین قزیب آلیش کمپنیلری اۉرتهسیده تۉقنهشوو یوز بېرگن.
منبعلر بوگون دوشنبه، ۱۵ – جدي ، بېرگن معلوماتیگه کۉره، بو تۉقنهشووده طالبان نینگ اۉق اوزیشی نتیجهسیده اوچ نفر محلي اهالی هلاک بۉلگن.
شونینگدېک، محلي منبعلرگه کۉره، طالبان جنگریلریدن بیری اهالی تامانیدن بېل بیلن اوریب اۉلدیریلگن.
قید اېتیلیشیچه، طالبانگه باغلیق بۉلگن و ایکّی کندههار حاجی محب و حاجی روحالله روحانی » و نامیدهگی شخصلر باشقرهدیگن آلتین قزیب آلیش شرکتلری چین کمپنیلری بیلن همکارلیکده آلتین قزیب آلیشگن.
بو تۉقنشوو آلدین هم طالبان و محلي اهالی اۉرتهسیده آلتین کانی مسألهسیده یوز بېرگن ضدیتلر نینگ دوامیدیر.
شونینگدېک، تخار ولایتی نینگ جرم تومنیده طالبان اعضالری اۉرتهسیدهگی ایچکی تۉقنهشووده بیر جنگری هلاک بۉلگن، ینه بیری یرهلنگن.
طالبان قَیته حاکمیتنی قۉلگه آلگنیدن سۉنگ، مملکتدهگی تورلی کانلرنی نظارت قیلگن و بعضی منطقه لرده آلتین و باشقه کانلرنی قزیب آلیش مسألهسیده کېلیشماوچیلیکلر یوزهگه کېلگن.
