پیت هگست، امریکا نینگ اوروش وزیری، چمهسی ۲۰۰نفر امریکالیک عسکر ونزویلا جمهور رییسی نیکلاس مادورونی قۉلگه آلیش عملیاتیده اشتراک اېتگنینی ایتدی.
هگست دوشنبه کونی، ۵-جنوری، عاموی اخبارات واسطهلری بیلن صحبتده مادورو نینگ قۉلگه آلینیشی رېجهلشتیریلگن عملیات حقیده حبسگه آلینیشیدن اوچ دقیقه آلدین خبری بۉلمهگنینی معلوم قیلدی.
امریکا مدافعه وزیری شوندهی دېدی: «قیرووچی اوچاقلر و بامباردمانچیلر ونزویلا هوا هجومیگه قرشی مدافعه تیزیملرینی نشانگه آلدی و دلتا فورس کوچلری نینگ کیریب کېلیشی اوچون یۉل آچدی. او یېرده اولر کوچلی اۉققه توتیلیشیگه دوچ کېلیشدی».
امریکالیک رسميلر مادورونی قۉلگه آلیش عملیاتی موفقیتلی دېب بهالهدیلر و هجوم دوامیده بیرارته هم امریکا عسکری جراحت آلمهگنینی قۉشیمچه قیلدیلر.
بو آرهده کوبا مادورونینگ خوفسیزلیگینی تأمینلش بیلن شغللنگن چمهسی ۳۰ نفر کوبالیک عسکر هلاک بۉلگنینی اعلام قیلدی.
شونینگدېک، ونزویلا رسميلری امریکا حربي عملیاتی دوامیده کمیده ۴۰ کیشی، جملهدن تینچ اهالی نماینده لری هم هلاک بۉلگنینی بیلدیردیلر.
