کسپین پۉست نینگ خبر بېریشیچه، اۉزبېکستانده قیزلر نینگ کتته قسمی 20 یاشدن 30 یاشگهگهچه بۉلگن دورده تورموش قورهدی.
رسمی معلوماتلرگه کۉره، 2025 ییلی نینگ جنوری-سپتمبر آییلریده مملکت بۉیلب 177017ته نکاح قید اېتیلگن.
اوشبو دورده تورموش قورگن عیاللر نینگ یرمیدن کۉپی 94765 کیشی یاکه 53،5 فایزی 23-22 یاشلرگه تۉغری کېلگن بۉلیب، بو اېنگ کتته اولوشنی تشکیل اېتدی.
شو بیلن بیرگه، 20 یاشگه یېتمسدن تورموش قورگن قیزلر هم سېزیلرلی درجهده کۉپ. اینقسه، 65078 کیشی (36،8 فایز) 20 یاشدن آلدین تورموشگه چیققن. بو اېسه اېرته تورموش قوریش هنوز کېنگ ترقلگنینی کۉرستهدی.
کتته یاش آرهسیده تورموش قوریش انچه آز قید اېتیلگن. 40-31 یاشدهگی خاتین-قیزلر اۉرتهسیده 13137ته اویلهنیش (7،4 فایز)، 41 یاش و اوندن یوقاری 4037ته (2،3فایز) رویخطیگه آلینگن.
عموما آلگنده، رقملرگه قرهگنده اۉزبېکستانده کۉپلب قیزلر آز یاشده تورموش قوریشهدیلر. و 30 یاشدن یوقاری تورموش قوریش رقملری آز.
اۉزبېکستان مستقل و رواجلنهیاتگن دولت بۉلیشیگه قرهمهی، یورتداشلری اېرته تورموشگه چیقیش عادتیگه نقطه قویالمهگن. بیراق، تورموشگه چیقیش اروپا و امریکاده اختیاری، کیچراق و آگاهلیک بیلن بۉلهدی.
اروپاده اۉرتهچه تورموشگه چیقیش 34-28 یاشلردن عبارت. حتی که ایریملری 35دن کېین تورموشگه چیقمهیدیلر. امریکاده اۉرتهچه 30-27 یاشلرده بۉلیب اروپادن تیزراق بیراق آسیادن کیچراق تورموشگه چیقهدلر که، کۉپراق تورموشگه چیقیش ایش، مستقللیک و تحصیللنی توگهتیشدن کېین بۉلهدی.
بیراق افغانستانگه دقت قیلگنده همه نرسه تیسکری، اېرته تورموشگه چیقیش فایزی جوده یوقاری. کۉپلب تورموشلر،عایلهلر قرارلری بیلن عملگه آشهدی. (دی دبلیو) یا افغانستان انترنیت مهم موضوعلری 1402 ییللدهگی گزاریشگه؛ افغانستان احصاییه ادارهسی 49-20 تورموشگه چیققن خاتین-قیزلر نینگ 39 فایزی 18 یاشگه کیرمسدن تورموشگه چیققنلر، دېب معلومات بېرگن.
