ایران انرژی وزیری عباس علیآبادی ایتیشیچه، ایران و تورکمنستان افغانستان نینگ هریرود دریاسیدن سوو آلیش حقوقیگه اېگه و بو حقوقنی عملگه آشیریش اوچون مذاکرهلر آلیب باریش ضرور.
ایرنا خبریگه کۉره، علی عبادی بوگون سهشنبه ژورنالیستلرگه شوندهی دېگن: «بیز نینگ مملکتیمیز و تورکمنستان هریرود دریاسیدن سوو آلیش حقوقیگه اېگه، اما قۉشنی مملکت یوقاری آقیمده سېلمه سوو انبارینی قورگن. شو سببلی، دۉستلیک سوو انباریدن (ایران و تورکمنستان نینگ عمومي سوو انباری) سوو آلیش حقوقینی تأمینلش اوچون مذاکره قیلینیشی لازم.»
هریرود دریاسی تخمیناً 1،100 کیلو متر اوزونلیکده بۉلیب، مرکزي افغانستان تاغلریدن، لعلوسرجنگل تومنیدن باشلنهدی، غور و هرات ولایتلریدن اۉتهدی، افغانستان-ایران چېگرهسیدن اۉتیب، تورکمنستان حدودیگه کیرهدی و قارهقوم صحراسیده سۉنهدی.
ایران و تورکمنستان چېگرهده دۉستلیک سوو انبارینی برپا قیلگن. افغانستانده اېسه هریرود دریاسیده ایکّی سوو انباری قوریلگن: سلما و پاشدان.
پاشدان سوو انباری بو ییل کرخ هرات تومنیده سوو ییغیشگه تیار حالگه کېلتیریلگن.
افغانستانده سوو انباری و باشقروو انشااتلرینی قوریش قۉشنی دولتلر، خصوصاً ایران، اوچون دایمي خواطر منبعی بۉلگن.
حاضرگچه ایران و افغانستان فقط هیلمند/هیرمند دریاسی بۉییچه شرطنامهگه اېگه. سۉنگگی ییللرده افغانستانده قتّيق قورغاقچیلیک یوز بېرهیاتگنی سببلی، ایران افغانستانی هیلمند شرطنامهسینی بوزیشده عیبلهماقده.
ایران انرژی وزیری ایتیشیچه، مملکت جمهور رییس سیاسي وکیللرگه افغانستاندن ایران نینگ سوو آلیش حقوقینی تأمینلش بۉییچه فعالراق بۉلیشنی تاپشیرگن.
اوشبو رسمي قۉشیمچه قیلگن: ایران طالبان بیلن کۉپلب مذاکرهلر آلیب بارگن، اما اۉتگن ییل ایران نینگ برچه سوو حقوقی تأمینلنگن.
علی عبادی شونینگدېک، مذاکرهلر دوام اېتهیاتگنینی ایتیب: «مېن افغانستان تامانیدن ایکّی مرته ایرانگه تشریفگه تکلیف قیلینگنمن، اوچینچی مرته هم تکلیف قیلهمن، لېکن کېینگی سفر بیز تیارمیز، هیئت یوباریب، مسألهنی یقیندن جدّي کوزهتیب بارهمیز.»
