طالبلرنینگ «مهاجرلر معمالرینی حل قیلیش کمیسیونی» نینگ ایتیشیچه، اوتکن کون پنجشنبه، 18 – جدي پاکستان و ایران تامانیدن 3 371 نفر مهاجر چیقریلیب، افغانستانگه قَیتریلگن.
کمیسیون معلوماتلریگه کۉره، 2 970 کیشی تورخم چېگرهسی آرقهلی، 303 کیشی اېسه اېسپین بولدک چېگرهسی آرقهلی پاکستاندن افغانستانگه کیرگن.
کمیسیون شونینگدېک قۉشیمچه قیلیشیچه، ایران تامانیدن چیقریلگن 56 کیشی اسلام-قلعه چېگرهسی آرقهلی، 42 کیشی اېسه پل ابریشم چېگرهسی آرقهلی افغانستانگه کیرگن.
ایران و پاکستان بو ییل افغانستانلیک مهاجرلرینی چیقریشنی کوچهیتیرگن و ایکّی میلیوندن آرتیق مهاجرنی چیقریب یوبارگن.
یاردم تشکیلاتلری مهاجرلر نینگ کېنگ کۉلمده قَیتیشی بیلن افغانستانده انساني بحران کوچهیگنینی بیلدیرگن.
اولر خلقارا یاردمنی آشیریشنی طلب قیلماقده و بودجه یېتیشماوچیلیگی سببلی ضعیف اهالی بیلن یېترلیچه شغللنالمسلیکلرینی ایتگن.
