امریکا اطلاعات همجمعیتی بېرگن ینگی بهاگه کۉره، ایراندهگی ناراضیلیک نمایشلری دیني یېتکچی علی خامنهای جدّي طرزده سیناو آستیگه قۉیهدیگن درجهده اېمس.
رویترز بوگون شنبه، 20- جدی، امریکا اطلاعاتی همجمعیتیگه تهینیب خبر بېریشیچه، ایران رهبری حاضرگچه خوفسیز موقعده توریبدی.
گزارش ده ایتیلیشیچه: «سۉنگگی 24 ساعتگه قدَر نمایشلر اساسن دایما رژیمگه قرشی بۉلیب کېلگن شهرلرده جمعلنگن اېدی. ناراضیلیکلر نینگ اساسي تهینچ حدودلرگه، جملهدن اسلامي جمهوریت رهبری نینگ توغیلگن شهری مشهدگه یۉنهلیشی مهم بوریلیش حسابلنهدی.»
آق اوی مطبوعات کاتبی امریکا اطلاعاتی معلوماتلری حقیده ایضاح بېرمسلیکلرینی ایتگن.
شو بیلن بیرگه، امریکا جمهور رییسی دونالد ترامپ، اگر ایران نمایشچیلرگه قرهته اۉق اوزسه، واشنگتن چاره کۉریشینی بیلدیرگن.
رویترز نینگ یازیشیچه، ترامپ ایراندهگی کېنگ کۉلملی ناراضیلیکلر مسألهسیده احتیاطکارلیک بیلن حرکت قیلماقده. چونکه امریکا نینگ اَیریم بهالریگه کۉره، ترتیبسیزلیکلر تهراندهگی حکمران روحانيلر توزیلمهسینی جدّي روشده لرزهگه سالهدیگن درجهده کېنگ بۉلمسلیگی ممکن.
ایراندهگی ناراضیلیک نمایشلری اۉن تۉرتینچی کونیگه کیرگن. ایران انسان حقوقلری تشکیلاتی حساباتیگه کۉره، حاضرگچه کمیده 45 کیشی هلاک بۉلگن و یوزلب آدملر یرهلنگن.
