ایران بۉیلب «حکومتگه قرشی» ناراضیلیک نمایشلری کېنگهییب بارر اېکن، اوشبو مملکت عاموی اخبارات واسطهلری ییریک شهرلردهگی مکتبلرنینگ کۉپینچهسی بعضیلری ایکّی کونگچه، اَیریملری اېسه جاري هفته آخریگچه کوندوزگی (عنعنوي) تعلیم اوچون یاپیلگنینی خبر قیلدی.
اوشبو خبرلرگه کۉره، مذکور مکتبلر اۉقووچیلری اوچون تعلیم جریانی مصافهدن توریب و «آنلاین» شکلده اۉتکزیلهدی.
ایران عاموی اخبارات واسطه لری، جملهدن تسنیم اخبارات آژآنسی نینگ معلوم قیلیشیچه، تهران، اصفهان، شمالي خراسان، هرمزگان ، کیرمانشاه و شرقي آذربایجان ولایتلریده مکتبلرنینگ کوندوزگی فعالیتی تۉختهتیلگن.
شونینگدېک، اوشبو یاپیلیشلر بالهلر باغچلری و مکتبلردهگی باشلنغیچ صنفلرنی هم قمرب آلگنی ایتیلماقده.
شو بیلن بیرگه، ایران عاموی اخبارات واسطهلری نینگ خبر بېریشیچه، مملکت جمهور رییسی مسعود پزشکيان بوگون، یکشنبه ، 21 -جدي، «خلق بیلن» صحبت اۉتکزیشی رېجهلشتیریلگن.
