افغانستاندهگی خلقارا مهاجرلیک تشکیلاتی نینگ معلوم قیلیشیچه، ننگرهار ولایتی نینگ سرخرود اولسواللیگی، شیخ مصری قیشلاغیده 620 ته عایله نینگ تازه ایچیملیک سوودن فایدهلنیش امکانیتی یرهتیلگن.
تشکیلات بوگون یکشنبه، 21- جدی، اعلام قیلگن خبریده ایتیشیچه، اوشبو قیشلاقدهگی کۉپلب عایلهلر سوو تنقیصلیگی سبب کۉچیب کېتیش حقیده قرار قبول قیلگن.
تشکیلاتگه کۉره، قیشلاق اهالیسی نینگ کۉپچیلیگی تازه سوو تاپیش اوچون اوزاق مصافهلرنی باسیب اۉتیشگه مجبور بۉلگن.
شونینگدېک، بیرلشکن ملتلر تشکیلاتی نینگ انسان یشش جایلری دستوری اۉتگن قوس آییده شیخ مصری قیشلاغیدهگی اَیریم عایلهلر اوچون سوو تأمیناتی ترماغینی یرهتیشینی معلوم قیلگن اېدی.
افغانستانده تازه ایچیملیک سوودن فایدهلنیش عایلهلر اوچون اېنگ مهم معمالردن بیری حسابلنهدی.
بوندن آلدین، بیرلشکن ملتلرتشکیلاتی نینگ بالهلرنی حمایهلش صندیغی (یونیسف) افغانستانده هر 10 کیشیدن 8 نفری افلاس سوو ایچهدی دېب آگاهلنتیرگن اېدی.
