طالبلر «مهاجرلر معمالرینی کۉریب چیقیش کمیسیونی» نینگ معلوم قیلیشیچه، 22 جهدی (دوشنبه) کونی بیر مینگ ۵۰۰ مهاجر پاکستان و ایران تامانیدن چیقریلیب، افغانستانگه قَیتریلگن.
کمیسیون معلوماتلریگه کۉره، اوشبو شخصلر نینگ بیر مینگ ۳۹۸ کیشی پاکستاندن، ۱۰۲ کیشی اېسه ایران تامانیدن چیقریلگن.
طالبان نینگ «مهاجرلر معمالرینی کۉریب چیقیش کمیسیونی» خبریگه کۉره، بو شخصلر تورخم، بهرامی، اسپینبولدک، اسلام قلعه و پول-ابریشم چېگرهسی یۉلی آرقهلی افغانستانگه کیرگن.
ییل دوامیده پاکستان و ایران افغانستان مهاجرلرینی چیقریشنی کوچهیتیرگن و جمعی۲.۵میلیون مهاجرنی دېپورت قیلگن.
پاکستاندن مهاجرلرنی چیقریش دوام اېتهیاتگن بیر پیتده، ایکّی مملکت اۉرتهسیدهگی چېگره اۉتیش یۉللر طالبان بیلن یوزهگه کېلگن ترنگلیک و نزاعلر سببلی اوچ آیدن بېری یاپیق توریبدی.
شو بیلن بیرگه، ایران ایچکی کېنگ کۉلملی ناراضیلیکلر و اجتماعي بېقرارلیک دوامیده هم افغانستان مهاجرلرینی چیقریشنی دوام اېتتیرماقده.
