بوتون دنیا بۉیلب اینترنتگه اېریشیش و اولنیشنی کوزهتیب بارووچی نتبلاکس تشکیلاتی ایرانده اینترنت نینگ عموما ایران مقیاسیده اوزیلیشی 108 ساعتدن آشگنینی معلوم قیلدی.
اوشبو تشکیلات بوگون سهشنبه، 23 جدی اعلام قیلگن بیاناتیده، بو چارهلر ایران یشاوچیلرینی نهفقط دنیادن، بلکه بیر-بیریدن هم اجرهتیب قۉیگنینی یازدی.
نتبلاکس نینگ قۉشیمچه قیلیب ایتیشیچه، «سۉز اېرکینلیگی و ییغیلیش اېرکینلیگی بوزیب بۉلمهیدیگن حقوقلردیر و اولرنی حمایه قیلیش ضرور».
ایران حکومتی مملکتده ناراضیلیک نمایشلری کېنگهیگنی آرتیدن اۉتگن هفته نینگ پنجشنبه کونی کېچقوروندن باشلب اینترنتنی اۉچیریب قۉیگن.
ایران تشقی ایشلر وزیری عباس عراقچی کېچه تهرانده اېلچیلر بیلن بۉلیب اۉتگن اوچرهشووده اوشبو مسألهگه تۉختهلر اېکن، اَیریم چېکلاولر تهدیدلر تۉلیق برطرف اېتیلگنیگه ایشانچ حاصل قیلینمهگونچه دوام اېتیشینی ایتدی.
