پاکستان عاموی اخبارات واسطهلرینینگ خبر بېریشیچه، خیبرپختونخوا ولایتیده قوراللی هجوم عاقبتیده تینچلیک محلی کمیتهسی نینگ تۉرت نفر اعضاسی هلاک بۉلگن.
جیونیوزنینگ خبریگه کۉره، هجوم بوگون سهشنبه، 23 – جدی خیبرپختونخوا ایالتی نینگ بنو اولسواللیگیده یوز بېرگن.
پاکستان پولیسینینگ معلوم قیلیشیچه، اوشبو شخصلر بنو اولسواللیگی گلبدین لوندی منطقهسیده اۉتکزیلگن محلي جیرگهدن قَیتهیاتگن پیتده نامعلوم قوراللی شخصلر هجومیگه اوچرهب، اۉلدیریلگن.
پولیس معلوماتیگه کۉره، هجومچیلرنی انیقلش و قۉلگه آلیش همده حدود خوفسیزلیگینی تأمینلش مقصدیده قیدیروو عملیاتی باشلنگن.
افغانستان بیلن چېگرهداش خیبرپختونخوا ایالتی سۉنگگی بیر ییل ایچیده قوراللی هجوملر سانی نینگ آشیشیگه گواه بۉلماقده.
تیناوون هم بو کبی یوز بېرگن بیر هجومده پاکستان پولیسی نینگ یېتّی عسکری هلاک بۉلگن اېدی.
پاکستان اوردوسی نینگ معلوم قیلیشیچه، 2025-ییلده مملکتدهگی خوفسیزلیک حادثهلری نینگ 71 فایزی خیبرپختونخوا ایالتیده یوز بېرگن بۉلیب، بو نینگ سببی افغانستاندن عصیانچیلرنینگ کیریب کېلیشی کۉرسهتیلگن.
