بوتون دنیا بۉییچه انترنتگه کیریش و اولهنیشنی کوزهتیب بارووچی نتبلاکس تشکیلاتی معلوم قیلیشیچه، 132 ساعت اۉتگنیگه قرهمی، ایران هنوز «آفلاین» حالتده قالماقده.
مذکور تشکیلات بوگون اېرتهلب چهارشنبه، ۲۴ – جدي یازیشیچه، ایران رقملی اوزیلیشنینگ ینه بیر کونیگه کیرگن.
نتبلاکس قۉشیمچه قیلگن: «انترنت اوزیلگنیگه 132 ساعت بۉلدی. دستلبکی خبرلر مینگلب آدملر اۉلگنینی کۉرستماقده. انترنت علاقهسی یۉقلیگی سببلی قربانلر سانینینگ حقیقي مقیاسی نا انیق قالماقده.»
ایرانده ناراضیلیک نمایشلری کېنگهیگنیدن سۉنگ، حکومت پنجشنبه کونی کېچقوروندن باشلب انترنتگه کیریشنی تۉلیق تۉختهتگن.
خلقارا انسان حقوقلری تشکیلاتلری انترنت و علاقه واسطهلرینینگ عمومي اوزیلیشی یانیده اېرانده نمایشچیلرگه قرشی کېنگ کۉلملی باسیم و زۉرآورلیکلردن خواطر بیلدیرگن.
ایران تشقی ایشلر وزیری انترنت اوزیلیشی حقیده سۉزلب، برچه خوفسیزلیک تهدیدلری برطرف اېتیلگنیگه ایشانچ حاصل قیلینمهگونچه اَیریم چېکلاولر سقلهنیب قالیشینی ایتگن.
