چین دولتینینگ بیلدیریشیچه، ۲۰۲۵ ییلی بو مملکتنینگ تجارتی مازاد تاریخیدهگی اېنگ یوکسک چوقیگه ایریشب، کمیده ۱.۲ تریلیون دالرگه چیققن.
چین بوگون چهارشنبه، ۱۴ -جنوری ایتیشیچه، بو یوکسهلیش باشقه مملکتلرگه بولگن صادرات حسابیگه کۉره رۉی بېرگن. یعنی یوقاری تعرفهلر باسیمی آستیده دونالد ترامپ دورانیده امریکا قۉشمه ایالاتلریگه مال یۉللشنینگ کمهییشینی جبران قیلگن.
۲۰۲۵ میلادی ییلی چین صادراتی ۵.۵ فایزگه آرتیب، ۳.۷۷ تریلیون دالرگه یېتیشگن.
بو مملکتنینگ تجارتی مازادی ۲۰۲۴ ییل ۹۹۲ میلیارد دالردن آرتیقراق بولگن اېدی.
اوشبو حالده ۲۰۲۵ ییلی چیننینگ امریکا قۉشمه ایالاتلریگه بولگن صادراتی کۉپ مقدارده کمهیگن.
چیننینگ امریکاگه صادراتی یوزده ۲۰ کمهیگن، اما آفریقا مملکتلریگه بولگن صادراتی یوزده ۲۶ گه آرتگن.
