امریکا جمهور رییسی دونالد ترامپنینگ ایتیشیچه، ایشانچلی منبعلر اونگه ایرانده «قیرغین» و «قتللر» تۉختهتیلگنی حقیده معلومات بېرگن.
جناب ترامپ چهارشنبه کېچه، 24-جنوری شوندی دېدی: اونگه یېتیب کېلگن معلوماتلرگه کۉره، ایرانده اۉلیم جزالرینی اجرا اېتیش بۉییچه هېچ قندهی رېجه یۉق.
آق اویده بۉلیب اۉتگن مراسم چاغیده سۉزلهگن امریکا جمهور رییسی: «بیز جریان قندهی کېچیشینی کوتیب توریبمیز»، دېدی.
دونالد ترامپ بوندن آلدین بیر نېچه بار؛ اگر ایران نمایشچیلرنی قتل اېتیش و قیرغین قیلیشگه قۉل اورسه، قۉشمه ایالاتلر تامانیدن جوده قتّيق ضربهگه دوچ کېلهدی دېب آگاهلنتیرگن اېدی.
ترامپنینگ بیاناتلری و ایرانلیک رسميلرنینگ جواب چارهلری کۉریش همده منطقهدهگی امریکا حربي مرکزلریگه هجوم قیلیش بیلن تهدید قیلیشی آرتیدن یقین شرقده خواطرلر کوچهیگن
.
منطقه دولتلری، جملهدن قطر، ایرانگه قرشی حربي ارهلشوو بوتون منطقهگه تأثیر کۉرستیشی ممکنلیگی حقیده آگاهلنتیردی
