طالبلر مالیه وزیرلیگی افغانستاننینگ آلدینگی حکومتی تامانیدن ایچکی خصوصي شرطنامه شرکتلر و حقیقی شخصلرگه بۉلگن۳.۳میلیارد افغاني قرض تۉلهب بېریلگنینی معلوم قیلدی.
وزیرلیکنینگ اعلان قیلگن بیاناتده ایتیلیشیچه، سابق حکومت نینگ اوشبو قرضلری۱۴۰۲مالیه ییلی نینگ باشیدن ۱۴۰۴-مالی ییلی قوس آیینینگ آخریگچه بۉلگن دورده تۉلنگن.
طالبلر مالیه وزیرلیگینینگ بیلدیریشیچه، حاضرگه قدَر سابق حکومت نینگ حقیقی و حکمی شخصلردن بۉلگن تخمیناً۱۷ مینگته شرطنامهوي قرضدارلیک حالتی تصدیقلنگن.
وزیرلیکنینگ قۉشیمچه قیلیشیچه، طالبان رهبری هبتالله آخوندزاده نینگ فرمانیگه بناءً اوشبو قرضلرنی تۉلهش جریانی باشلنگن.
طالبلر مالیه وزیرلیگی سابق افغانستان حکومتی ذمّهسیده قرضدارلیگی قالگن حقیقی و حککمی شخصلردن اۉز حجت و دلیللرینی تېگیشلی ادارهلرده توزیلگن مخصوص کمیتهگه تقدیم اېتیشنی سۉرهگن. قرضدارلیک تصدیقلنگندن سۉنگ، اولرنینگ طلبنامهلری تۉلهب بېریلیشی ایتیلگن.
افغانستان حکومتی قولهگنی و طالبان ینه حاکمیتنی قۉلگه آلگنی آرتیدن، دولت ادارهلری بیلن شرطنامهگه اېگه بۉلگن کۉپلب کمپنیلر و شخصلر اۉز مالي طلبلرینی اوندیریب آلالمهگن اېدی.
طالبان مالیه وزیرلیگی بوندن آلدین اوّلگی حکومت نینگ۱۲۶ میلیارد افغاني، شونینگدېک او بیلن همکار یاردمچی تشکیلاتلرنینگ هم ۶۰ میلیارد افغاني مقداریده حقیقی و حکمی شخصلردن قرضدار اېکنینی معلوم قیلگن اېدی.
