بدخشان ولایتیدهگی محلي منبعلرنینگ معلوم قیلیشیچه، طالباننینگ امر بالمعروف و نهي از منکر ادارهسی محتسبلرینینگ قیسقه سقال قۉیگنلیک عیبی بیلن اوشبو گروهگه قرشلی ملي رادیو و تلویزیون نینگ بېش نفر ژورنالیستینی حبسگه آلیب، قماققه تشلهگن.
منبعلربوگون پنجشنبه 25-جنوری، اوشبو شخصلر کېچه حبسگه آلینیب، قماقخانهگه اۉتکزیلگنینی بیلدیردی.
منبعلرگه کۉره، حبسگه آلینگنلر آرهسیده طالبان ملي رادیو و تلویزیون نینگ نشرات بۉلیمی مسوولی هم بار.
طالبان نینگ امربالمعروف و نهي از منکر محتسبلری بدخشانده دایمي روشده ولایت اهالیسینی بېزاوته قیلیب کېلماقده.
بو گروه وقتی-وقتی بیلن تۉی مراسملریگه باستیریب کیریب، آدملر نینگ قووانچلی ییغینلرینی بوزیب یوبارهدی.
