امریکا قۉشمه ایالتلری سنا مجلسینینگ تشقی علاقهلر کمیتهسی یېریک اعضاسی جین شاهین، امریکا قۉشمه ایالتلری حکمدارینینگ قطردهگی “السیلیه” کمپینی یاپیش قرارینی کېسکین تنقید قیلدی. اوشبو کمپ افغانستانلیکلرنی کۉچیریش و وقتینچه جایلشتیرتیش بۉییچه اساسی مرکزلردن بیری حسابلنهدی.
شاهین پنجشنبه کونی ۲۵-جدی، بېرگن بیاناتیده یوزلب خوف آستیدهگی افغانستانلیکلرنی خوفسیز جایلشتیریش بۉییچه انیق رېجهسی اوشبو مهم مرکزنینگ یاپیلیشی “امیدسیزلنتیرووچی” و “مسئولیتسیز” اېکنینی ایتدی.
او بو قرار امریکا قۉشمه ایالت بیلن همکارلیک قیلگن افغانستانلیکلرنی ناانیق و خوفلی حالتده قالدیریشینی، همده امریکا کوچلری بیلن یېلکهمه-یېلکه تورگن آدملرگه آرقه اۉگیریش اېکنینی تٲکیدلهدی.
شاهین، افغان اتفاقچیلرینی طالبان حکمرانلیگی آستیدهگی حیاتگه قیتیشگه مجبورلش “اویتلی” بۉلیشینی آگاهلنتیریب، هر ایککی حزبدن قانونچیلر اوشبو کمپده جایلشگن بیرار بیر افغانستانلیک مجبوراً افغانستانگه قیتریلمسلیگیگه ایشانچ حاصل قیلیشگه چقیردی.
قطردهگی “السیلیه” کمپی اولگی حکومتنینگ سقوطیدن سۉنگ، امریکا قۉشمه ایالتلری بیلن همکارلیک قیلگن افغانستانلیکلرنی وقتینچهلیک جایلشتیریشنینگ اساسی مرکزلریدن بیری صفتیده فایدهلنیب کېلینگن.
