تورکيه تشقی ایشلر وزیری هاکان فیدان اسراییل باش وزیری بنیامین نتانیاهونینگ تجاوزکار حربي سیاستلری اسراییلنی دیپلوماتیک یکّهلنیش حالتیگه آلیب کېلگنینی ایتدی.
فیدان جمعه کونی، 16-جنوری استانبولده اۉتکزیلگن مطبوعات ییغینیده حاضرگی شرایطده اسراییل بیلن مناسبتلرنی نورماللشتیریش تورکيه و کۉپلب باشقه دولتلر اوچون دېیرلی امکانسیز بۉلیب قالگنینی تأکیدلهدی.
تورکيه تشقی ایشلر وزیرینینگ ایتیشیچه، بو مصافهلنیش فقط تورکيه نینگ موضعی اېمس، بلکه اسراییل نینگ حرکتلریگه نسبتاً خلقارا همجمعیتنینگ کېنگراق قیلمیشینینگ بیر قِسمیدیر.
اونینگ قۉشیمچه قیلیشیچه، اَیریم دولتلر اۉز ناراضیلیکلرینی آچیقچهسیگه بیلدیرگن، باشقهلری اېسه علاقهلرنی قیسقرتیریش و رسمي سفرلردن تيیلیش آرقهلی اۉز خبرلرینی یېتکزگن.
خبرلرگه کۉره، اروپا یېتکچیلری ایچکی سېزگیرلیکلر و اسراییل حرکتلرینینگ جماعتچیلیک فکریده سلبي عکس-صدا بېریشیدن خواطر سببلی نتانیاهو بیلن اوچرهشیش یاکه رسمي تدبیرلرده بیرگه اشتراک اېتیشگه مایل اېمسلر.
