کسپین پوست ایران اینترنشنالگه تهیهنیب اعلان قیلیشیچه، ایران بۉیلب مبایل علاقه اپراتورلریده اس ام اس یوباریش و قبول قیلیش خدمتلری قیته تیکلندی، بیراق مملکت بۉیلب دوام اېتهیاتگن ناراضلیکلر سببلی انترنیتگه کیریش هنوز اۉچیریلگن حالده قالماقده.
امریکاده یېرلشگن انسان حقوقلری تشکیلاتیگه کۉره، ایراندهگی ناراضلیک اعتراضلریده اۉلگنلر سانی 2677 کیشیگه یېتگن. انسان حقوقلری فعاللری اخبارات آژانسی معلوماتیگه کۉره ،اوشبو ناراضلیکلر دوامیده 19097 کیشی قماققه آلینگن.
ناراضلیکلر چاغیده یوز بېرگن تۉقنشوولرده 2677 کیشی حیاتدن کۉز یومگن. شونگه قرهمهی، ایران رسمیلری حاضرگچه اۉلگنلر یا که یرهلنگنلر سانی بۉییچه هېچ قندهی رسمی آمار اعلان قیلمهگن.
اعتراضلر 28 دسامبر کونی تهرانده باشلهندی. دکاندارلر، سوداگرلر و کیچیک بیزنیس اېگهلری نرخ-نوا نینگ کېسکین کۉپهیشی، ریال نینگ پسگه توشیشی و اقتصادی شرایطلر نینگ یمانلشوویگه قرشی ایش تشلشلر و ناراضلیکلرگه قۉل اورنگلر.
اۉشه پیتدن اعتراضلر ینه بیر قنچه شهرلرگه کۉپهیگن. بو اعتراضلر دولت قرشیسیگه ناراضلیکلرنی بیلدیریشگه ایلنگن که، بو اعتراضلرده اۉقووچولر، ایشچیلر و باشقه گروهلر هم قۉشیلگن.
