طالبلرنینگ مالیه وزیرلیگیدهگی منبعلرینینگ معلوم قیلیشیچه، اوشبو وزیرلیکده اویده اۉتیریشگه مجبور قیلینگن عیال خادملریگه اولرنینگ آیلیک بېش مینگ افغاني معاشی تۉختهتیلگنی حقیده خبر بېریلگن.
منبعلر جمعه کېچهسی، 26 – جدی یېتکیرمهلرگه ایتیشیچه، طالبلر اویده اۉتیرگن عیال خادملرنی رسمي روشده مالیه وزیرلیگی تشکیللریدن چیقریب تشلشنی و اولرنینگ اۉرنیگه عایله اعضالرینی ایشگه آلیشنی رېجهلشتیرماقده.
بیر قطار عیال خادملرنینگ ایتیشیچه، ایلگری عیاللرنینگ ایشلشیگه قۉییلگن چېکلاولردن سۉنگ اولرگه هر آی بېش مینگ افغاني معاش تۉلهنیب کېلینردی، بیراق اېندیلیکده فقط «جدی» آیی اوچون معاش بېریلیشی، اوندن کېین اېسه اوشبو تۉلاو بوتونلهی تۉختهتیلیشی بیلدیریلگن.
منبعلرنینگ قۉشیمچه قیلیشیچه، فقط مالیه وزیرلیگی نینگ سیاست بۉییچه معاونلیگی بۉلیمیده تخمیناً 200 نفر عیال خادم رۉیخطگه آلینگن بۉلیب، اولرنینگ کۉپچیلیگی عایله باقووچیلری حسابلنهدی.
منبعلرنینگ تأکیدلشیچه، اوشبو کم مقداردهگی معاشنینگ هم تۉختهتیلیشی نتیجهسیده بو عیاللر جدّي اقتصادي معمالرگه دوچ کېلهدی و اۉز عایلهلرینینگ اېنگ ضرور احتیاجلرینی تأمینلش امکانیدن محروم بۉلهدی.
